රාජ්‍ය ආදායම වැඩි කර ගැනීමට කටයුතු නොකළහොත් මෙරට ණයහිමි රටවල් සහ ආයතන ණය ප්‍රතිව්‍යුහගත කිරීමට සහයෝගය ලබා නොදෙනු ඇති බව මුදල් රාජ්‍ය අමාත්‍ය ෂෙහාන් සේමසිංහ මහතා සඳහන් කරයි.
ශ්රී ලංකා රජය තම ආදායම කළමනාකරණය කිරීමට විධිමත් ක්‍රමවේදයක් අනුගමනය කරන බවට ණයහිමියන්ට සහතිකයක් අවශ්‍ය බවද හෙතෙම පැවසීය.
මේ මොහොතේ හෝ ඊට අදාළ වෙනස්කම් නොකළහොත් ඉදිරියේදී සිදුවන්නේ 2022දී ඇතිවූවාටත් වඩා අර්බුදයකට මුහුණදීමට බවද පැවසූ අමාත්‍යවරයා එය ඉතාම බරපතළ තත්ත්වයක් වනු ඇති බවත් සදහන් කලේය.
එවිට ලෝකයේ කිසිදු රටක සහායක් නැතිව ලංකාව හුදෙකලා වනු ඇති බවද අමාත්‍යවරයා පැවසීය.
එනිසා ආදායම් බදු පනත ඇතුළු නව සංශෝධන සඳහා සහයෝගය ලබා දීමට කටයුතු කළ යුතු බවද එ මහතා තවදුරටත් කියා සිටියේය.
